DÍA DE ROSALÍA

 CELEBRAMOS O DÍA DE ROSALÍA DE CASTRO FACENDO UN PERCORRIDO  POLA SÚA

 VIDA E OBRA.

O ENTROIDO

 Ao longo de toda a semana do 13  ao 17 de febreiro leváronse a cabo os mandadiños de dona Xertrude e don Manuel para vir caracterizados todos do que se mandaba.

Paralelamente leváronse a cabo outras actividades nas aulas como elaboración de caretas, estudos sobre os distintos entroidos típicos de Galicia, etc. 

Rematamos o día 17 cunha festa na que todos luciron os seus disfraces.

CONTACONTOS INTERCENTROS

 O pasado mes de decembro comezamos unha aventura compartida con outros coles. Tiñamos que tentar reunir aos nenos e nenas de distintos cursos nunha lectura. Un dos centros seleccionaba un curso para que, a través de videoconferencia, lese un conto para os nenos e nenas dos outros coles. 

As lecturas son gravadas en audio ou vídeo, con estas gravacións obtemos un código QR que atoparedes na contraportada dos contos co fin de facilitar a lectura dos mesmos aos nenos e nenas con distintas dificultades.

Este mes de xaneiro o protagonista foi o cole de Bandeira, o CEIP Ramón de Valenzuela. Aproveitando a celebración do "Día da PAZ" os nenos e nenas de 6º leron para os seus compañeiros e compañeiras de 1º e 2º e tamén a través de videoconferencia aos nenos e nenas do CEIP Xesús Golmar de Lalín, aos nenos e nenas do CEIP Vicente Arias de la Maza de Vilatuxe e aos de 5ª do noso cole.

Os contos escollidos foron Orellas de bolboreta, Chímpate Pepa! e Oso Atrapabolboretas e aquí podedes ver o ben que o fixeron.

Por fin no mes de marzo toculles aos nenos e nenas do noso centro. Aquí vemos os seus contos:

DÍA DA PAZ

Celebramos o día da paz:

https://drive.google.com/file/d/138Q6MIfhcZ9LBns-aXlwbyCgRyoDyRvk/view?usp=sharing

O NADAL

 Celebramos o Nadal no colexio deseñando e facendo postais, adornos para as portas, etc. 

Rematamos cun festival no que houbo obras de teatro, panxoliñas, actuacións musicais...

No seguinte vídeo pódese ver un resumo dos traballos feitos:

O MAGOSTO

 Para celebrar o magosto, todo o alumnado do centro traballou na elaboración dun libro dixital coa recompilación de distintas cancións e coplas referentes a esta festa tan galega.

O resultado foi o seguinte:

Tamén fixemos xogos nos que a protagonista era  a castaña

e, por último, comemos castañas asada que estaban ben boas:

SAMAÍN

Como todos os anos, no noso colexio celebramos o Samaín. Fixemos unha gran exposición con personaxes de conto terroríficas, elaboradas con material de refugallo reciclado. 

Tamén se levou a cabo a actividade "Tira un conto". Desta actividade saíron moitos contos de medo e incluso algúns foron interpretados polos seus atores e autoras.

A continuación podedes ver unha mostra de todo o traballo levado a cabo: