O NADAL

Celebramos a festividade do Nadal con distintas actividades.

 Entre elas unha exposición de postais :

Tamén houbo un intercambio de postais con alumnos/as do CEIP Nosa Señora de Xuvencos  de Boborás.

Aquí queda unha mostra duns e outros coa postal recibida:

Tamén adornamos  as distintas estancias do colexio:

E, para rematar celebramos un festival con actuacións moi variadas:

Semana escolar do Camiño de Santiago

A semana do 25 ao 28 de novembro o alumnado de 5º e 6º  do centro participou na Semana escolar  do Camiño de Santiago.

As actividades que se levaron a cabo foron as seguintes: lectura do libro "A ECOPANDA E O MISTERIO DO ROMÁNICO", comentarios sobre o libro e a realización de distintas actividades para saber máis sobre o Camiño Francés de Santiago (redaccións, contos, debuxos...)


Aquí pódense ver algunhas imaxes das actividades realizadas:
     

Foi un traballo moi interesante no que os alumnos/as descubriron moitas cousas novas dun xeito lúdico.

O MAGOSTO

O día 8 de novembro fixemos a festa do magosto no colexio. 

Pasámolo de medo facendo xogos moi divertidos.

Despois de tanto xogar repuxemos forzas comendo castañas e bebendo. Que boas estaban!

E...ademais de comer tamén tivemos tempo para pintar a cara ☻☻

O SAMAÍN

Entre os días 28 e 30 de febreiro celebramos O Samaín. 

 O alumnado fixo moitos adornos terroríficos relacionados co espazo, que adornan a entrada do colexio

Os alumnos e alumnas de 5º dramatizaron nas demais aulas o seguinte poema:

É a noite dos mortos,

 pantasmas e esqueletos

 andan todos soltos. 

Serpes, bechos e cóbregas,

 sapos, morcegos e tebras,

 dentro da pota máxica

 mesturarei na noite tráxica. 

Mouchos e curuxas,

 demos e bruxas

 fuxide, liscade 

e marchade xa!

 Samaín, Samaín, 

prende o candil 

e que os demos

 non veñan por min. 

Peidos cheirentos,

entrañas fedorentas,

 alento de gato,

 bigote de rato.

 O mal de ollo

 hei escorrentar, 

as ánimas negras

 hei espantar.

Semana das Letras Galegas

A semana do 13 ao 16 de maio celebramos a festa das Nosas Letras. 


 Para homenaxear a Antón Fraguas leváronse a cabo diferentes actividades tanto a nivel de aula como a nivel de centro.

 Imos facer un percorrido por algunhas delas.

Actividades variadas nas aulas:

Exposición e lectura dos carteis sobre o autor:

O alumnado de 4º  confeccionou colaxes con algúns dos seus poemas cos cales se fixo unha exposición:

Carteis elaborados por cada clase para rememorar a distintos autores galegos:

E por último o día 16 foi o colofón da festa coa explicación da biografía de Antón Fraguas por parte do alumnado de 5º curso, coa representación do "Casamento da pulga e o piollo" a cargo dos de 2º e recitado de poemas de 4º:

Actuación de Fantoches Baj

O día 10 de abril todo o alumnado do centro acudiu ao salón teatro de Lalín para ver a peza "Fábula Galénica" de Fantoches Baj. 
Os nenos e nenas desfrutaron moito da sesión.